الحيتان كيف تشكل خطر على الانسان
كلنا عارفين الحيتان وكونها أكبر الكائنات البحرية وكمان إنها مسالمة، بتتحرك ب بطأ
وبتتغذى فقط على الأسماك الصغيرة والفقمة مش زي القرش مثلا بس لو قولتلك إن فيه نوع
من الحيتان هو الأضخم وأخطر الكائنات البحرية على الإطلاق تفتكر هتصدق!!
بدايه القصه
ف يوم ومن عشرات السنين اكتشف علماء حفريات قدرا وقرب منطقة ف تشيلي سن ضخم الحجم
وصل طوله إلى 40 سم واندهشوا جدا من الاكتشاف ده ومين الكائن اللي ممكن يمتلكه ومدى
ضخامته! بس وقفوا هنا ومعثروش على شيء تاني، لحد ما مرت الأيام وعلماء حفريات آخرين
عام 2008م وقرب منطقة ف بيرو على إحدى البحيرات واللي معروفة ب كونها ثرية ب
الاكتشافات البحرية الغير مسبوقة قدروا يخرجوا باكتشاف عظيم لما توصلوا ل جمجمة حوت
وصل طولها إلى 3 أمتار وكمان مكسورة مش كاملة وبعد التدقيق والفحص ربطوا السن
السابق أبو 40 سم بالجمجمة عشان يتوصلوا ل نوع جديد من الحيتان عاش من ملايين
السنين بل ويعد أضخم وأخطر الأسماك في وقت كان قرش " الميجالدون " المشهور عايش
ولسا منقرضش، وسموا الحوت ده " ليفايثين ".
معلومه الحوت
بشكل عام ومعلومة ليكم الحيتان برغم ضخامتها إلا إنها كائن مسالم وأسنانه ضعيفة جدا
فمبيستخدمهاش ف الغذاء وبيعتمد بس على فكرة شفط الأسماك الصغيرة أو الجمبري داخل
جسده العملاق، ومن العجيب إنهم بيعملوا كده حتى مع الحبار العملاق اللي طوله بيتعدى
ال 8 أمتار!! بيشفطوه كده بهيأته الكاملة من غير استخدام أسنانهم لتقط...يعه حتى!!
حوت ال " ليفايثين " بقى شيء مختلف تماما ب أسنانه الغير طبيعية واللي ذكرنا وقولنا
طولها وصل إلى 40 سم وجسده العملاق فكان أخطر حتى من ال " ميجالدون " القرش اللي
اتعمل عليه فيلم مشهور فكان غذائه الرئيسي جميع الأسماء كبيرة الحجم، الاخطبوط
الأكبر وحتى القرش! ومش بس كده الحوت ده كان بيستخدم تقنيات ذكية جدا لتتبع
الفرائ..س وسبحان الله ف خلقه، كان بيرسل زي موجات صوتية بطول المحيط وينتظر ارتداد
صدى الصوت ومنه بيكون خريطة كاملة وبيعرف حواليه إيه من أسماك وين..قض عليهم!! قدرت
قوة الفك بتاعه بأنها تتجاوز قوة فك تمساح أفريقي ب ٧ أضعاف! وإنه ربما كان أقوى من
القرش الأسطوري المعروف وكمان هو السلف الأول للحيتان واللي بعده بدأت ف اتخاذ
شكلها الحالي وطبيعتها المسالمة على عكس جدهم الأكبر المفت...رس واللي وحمدا لله
إنه انقرض كان بيوصل للسطح وبيقعد فترة فيه ولو فيه بشر عايشين فوقته أكيد مكنش حد
ركب سفينة ف عرض المحيط... وصلت سرعة الحوت ده ل 50 كيلومتر فالساعة وبالنسبة
لانقراضه ففيه علماء قالوا إنه ممكن يكون لسا فيه منه بقايا أو أفراد قليلة جدا
لكنها ساكنة ف أقصى قاع المحيط وده نتيجة ل ضعفه وعدم وجود كائنات بحرية ضخمة زي
زمان تسد حاجته الغذائية المهولة بسبب تغيرات المناخ على مدار ملايين السنين بأرضنا
الغامضة، ويمكن كمان يكون ده السبب لانقراضه وعدم العثور عليه من قبل المستكشفين
وانت بقى تفتكر حوت زي ده لسا ممكن يكون عايش معانا على نفس الأرض ولو عايش فعلا
تفتكر يكون سبب من ضمن اختفاء سفن عملاقة دون ترك أي آثر على سطح البحار!!! أسألة
غامضة ب تحيط ب حوت ال " ليفايثين " وعلى مدار السنين بنكتشف إننا لسا منعرفش كتير
عن العالم اللي عايشين فيه ف جهز بدلتك واستعد تغوص وتقولنا يا بطل هو لسا عايش ولا لا
WRITTEN BY:MOSTAFA ASHRAF
معلومة_مع_كاتب_الرعب
شكرا على المقال المقال جميل جدا
ردحذفعمر
ردحذفمعلومه مفيده
ردحذف